الكثير ,من, الأخوات, كيشقاو ,كل, نهار, و ,لكن ,كيعياو,أجي,تشوفي ,كيفاش, كندير,molat dar،moulatdar,molatdar.co 2016 ،مجلة مولاة الدار،موقع مولاة الدار 2016,l7adga.com ,lala-l7adga,lala-l7adga.com,وصفة ساهلة
موقع مجلة مولاة الدار لكل ما يهم المرأة العربية molatdar.co
يقدم لك سيدتي: الكثير من الأخوات كيشقاو كل نهار و لكن كيعياو…أجي تشوفي كيفاش كندير
موضوع الأخت هنادي :
اليوم جيت نشارك معاكم كيفاش كنشقا، و باش نعطيكم فكرة على شقايا، أنا ما عنديش مع روينة الشقا، عندي برنامج تنمشي عليه، و فيما توسخت شي حاجة تنحيدها، و يومين في الأسبوع تنخويهم من الشقا، باش إلا بانت ليا شي ركينة نزرب بيها، مثلا البلاكرات ديال الكوزينة تبان ليا شي طبعة نصيفط عليها صكود ديك الساعات، الثلاجة كذلك، مرة مسيحة من برة، مرة من الداخل، مرة غسلة فاعلة تاركة، لا هوت، و كما لاحظتو، هاد النوع ديال الشقا تنديرو على مراحل، يعني ماشي نهار غادي تلقاني هبطت لاهوت و بركت حك ياما حك، أنا ما جلست من الخدمة غا باش نرتاح و يولي عندي وقت خاص بيا، مرة تنهبط الشبكة، مرة نحكها من لتحت، مرة الجاجة، و هكذا… بهاد الطريقة ما تنفوتش 15 دقيقة في هادشي اللي تيبان ليا، و في المناسبات ما تيكونش عندي الشقا الكبير، لحقاش كلشي نقي.
نتمنى نكون وضحت الفكرة مزيان، البنات اللي متبعيني عارفيني مهوسة بالترتيب، و بالتالي معنديش الدوخشيش في الدار، كل شي مرتب في بلاصتو بواحد الطريقة التي تتسهل استعمالو، و هاد العامل حتى هو تيخلي الشقا جد ساهل
ندوزو دابا لروتيني الأسبوعي،
روتين يوم الإثنين :
سبحان الله شحال تنكره اتنين، لحقاش تيكون من ورا الويكاند، و تيكون عندي فيه بزاف ديال الشقا
عادة، تنقول عادة و تنأكد عليها، را ماشي ديما تنكون المرأة النشيطة صاحبة الهمة و النشاط، مرة مرة تناخد أجازات الكسل، ضروري و إلا منين نجيب الطاقة للدوام، قولو ليا براكة من الهدرة الخاوية و دخلي في المعقول إلا كاين شي معقول
كما قلنا عادة تنفيق قبل راجلي بشي ساعة، يعني ما بين 6 و 6h15، باش يلاه تندخل الحمام نتوض نغسل، نمشط شعري، نصلي، هادشي في الضلمة ما تنشعلش عليه الضو، و تنخرج للكوزينة و ما أدراك ما الكوزينة، تتاخد ليا واحد نص ساعة ما بين تنقية البلاصة ديال المشاش، نخرج ليهم داكشي ديالهم لبالكون، لحقاش تيباتو في الكوزينة، و نشطب و نغسل الماعن، لحقاش منين تيجي راجلي مع 5h30 غا تناكلو و نجمع الطابلة، تنخلي الماعن حتى للصباح، و تنصيب الفطور، راجلي تيفطر مع 7h50 و تيمشي لخدمتو مع 8، أنا تنمشي لبيت النعاس اللي تيكون بحال هكدا
و تنجمعو باش يولي بحال هكدا
و تنلبس سبرديلتي و إلى الرياضة…… و من بعد الدوش
الشقا العادي ما تنبداه حتى
أول حاجة تنمشي لكوزينة عاد تنجمع الطابلة و نغسل الماعن، ثم أجهز الأسلحة لمحاربة العدو الأول: الغبـــــــــــــــــــــــــــــار
لحقاش عندي بزاف ديال الديكورات، فبالتالي عندي بزاف ديال المسيح، و لكن المفاجئة ما تنفوتش فيه 30 دقيقة، لحقاش لي برودوي تايعاونو، و كذلك كيفاش تمسحي، الجاج بالمنتوج ديالو و بشيفونة ناشفة، و داكشي الآخر سانيكروا في رشاشة بشيفونة فازكة فايبر يعني كتجمع الخملة، عاد شيفونة ناشفة، البيبان بالمنتوج ديالهم، و الخشب ديال الصالة بالمنتوج ديالو
هاداك المنتوج ديال لاصاش و البيض ديال الحمام عقلو عليه، ما تنستعملهم حتى الخميس، غا ما فيا ما يكتر التصاور
و هادي هي النتيجة
و من بعد تندوز لاسبيراتور على الدار كاملة
من بعد تندوز جفاف بسيط
و أخيرا تنسقي الغرس
و هكذا تنسالي شقا يوم الإثنين….تبعو معايا باقي الأيام في المواضيع المقبلة…
