الكريب بالشكلاط ماتشبعوش منو،الكريب بالشكلاط،الكريب بالشكلاط بالصور،كريب بالشكلاط،كريب بشكلاط ساهل وكيصدق غزال،الكريب بالشكلاط من مطبخي بالصور،كريب بالشوكولا ،Crêpe chocolate،الكريب بالشكلاط بالصور 2014،كريب بالشكلاط واللوز رائع بالصور،طريقة تحضير كريب بالشكلاط،الكريب بثلاث انواع،الكريب 2014،الكريب 2015،وصفات وأطباق رمضان 2014،برنامج لالة مولتي،موقع الطبخ بالصور،موقع الطبخ المغربي،شهيوات مغربية،شهيوات ساهلين،مجلة المرأة،مجلة المرأة المغربية،مجلة مولات الدار،موقع مولاة الدار،موقع مجلة مولاة الدار،موقع مجلة مولات الدار،مولات الدار،مولاة ،molatdar
السلام عليكم و رحمة الله
موقع مجلة مولاة الدار لكل ما يهم المرأة العربية molatdar.co
يقدم لك سيدتي : الكريب بالشكلاط ماتشبعوش منو.
المقادير:
5 لبيضات كبار او 4 صغار
200غ طحين مغربل
100 غ زبدة مدوبة
30غ سنيدة
فاني
نص لتر حليب دافئ
كاكاو على حسب اللون(تقريبا 2 م ك)
انا هاد المرة ضفت نص م ص قرفة جات ممتازة (لي كتعجبو)
للتزيين:
كريم باتسيير
نص لتر حليب
شوي الشكلاط ابيض او اسود
شوي دانون ندوبوه مع الشكلاط (م ك)
اللوز مقلي ومهرمش او كاوكاو او غي بسكوي مهرمش
الطريقة:
كندفيو الحليب وندوبو الزبدة (انا هنا مع الزربة خلطتهم يدوبو بجوج)
نخلطو باقي المقادير الناشفة ونضيفو الحليب ونزيدو الكاكاو
نخلطو الكل مزيان غي بالضراب اليدوي.انا بقاو ليا حبيبات الزبدة باينين فالخليط حنت مدابتش مزيان ويني مع الطياب والسخونية كلشي غيدوب
نخليوهم يرتاحو شوي10د فقط ويلا كنا مزروبين بلاش نطيبوهم sur place
ندهنو المقلة الخاصة بالزبدة ونبداو نطيبو
انا شخصيا كنطيبهم غي من جهة باش يجي المنضر زوين وميبانوش فيهم les tâches
غير تبان لينا بدات تنفخ نحيدوها
نديرو شي منديل نقي ونبداو نستفو الاولى حتى تبرد عاد نحطو فوقها لخرى حتى نكملو باش ميتلاصقوش ويتعجنو
نوجدو الكريم باتسيير
مرة كنكها بالفاني مرة بنسكافي مرة بالشكلاط هاد المرة درت فيها قريصة دالقرفة
نخليوها تبرد باش تجمع ونبداو نعمرو فالكريب
نديروها فجيب الحلواني.انا درت غي بلاستيكة
وباش نربح الوقت كنستفهم كاملين ونبدا نعمر
بالنسبة لطريقة التقديم كل وحدة وكيف كتبغي دير.انا هادي هي طريقتي
نعمرو ونروليو
نكملوهم ونستفوهم مقاربين
ونقطعو بالموس من الوسط
نستفوهم فطبق التقديم ونزينوهم كيف بغينا بالشكلاط بيض او كحل
انا هنا مع الزربة زينتهم غي بالكريم باتسيير.شاط ليا شوي من العمارة وزوقت بيه
ومن الفوق درت شوي كاوكاو مكلي هرمشتو ورشيتهم عوض بسكوي
ومنقولش ليكم عجبني بزاف حنت عادة كندير اللوز ويني كاوكاو حتى هو جا غزاااال
وهادو لي كنت درت فالعراضة.معمرين بالكريم باتسيير بالقهوة ومزينين بالشكلاط اسود واللوز
