نصائح جد عملية من كوزينتي قد تهمك ،نصائح من كوزينتي ،نصائح خاصة بالمطبخ تهمك جداً،موقع الطبخ بالصور،موقع الطبخ المغربي،شهيوات مغربية،شهيوات ساهلين،مجلة المرأة،مجلة المرأة المغربية،مجلة مولات الدار،موقع مولاة الدار،موقع مجلة مولاة الدار،موقع مجلة مولات الدار،مولات الدار،مولاة ،molatdar
السلام عليكم و رحمة الله
موقع مجلة مولاة الدار لكل ما يهم المرأة العربية molatdar.co
يقدم لك سيدتي : نصائح جد عملية من كوزينتي قد تهمك .
إليكم حبيباتي بعض النصائح المجربة من مطبخي
كيفاش نخلي ريحة التيرموس زوينة
…ساهلة
لقرفة عواد مع قرنفل نديرو فتيرمو منبعد مانغسلو ونشفو ونسدو عادي ومنغسلوش بجافيل
كيفاش نغسل لحوت لي فيه شوك ويقدر يجرحني …. وكيفاش نحتافض بيه في التلاجة مدة طويلة بلى ريحة
ساهلة
… غسليه بفرشات الأسنان
جيبي ميكة خشي فيها لحوت بالترتيب ديري طراف ليم وسطري بقلم كما في الصورة بلأحمر ..من بعد سخني سكين مليح فوق لبوطة وشرطي على الخط الأحمر بالسكين ومباشرة غتلسق لميكة على بعضها.
كيفاش نحافض على نصف ليمة بلى متخسر فتلاجة…….
ساهل..
………… ديري نصف ليمة فطاسة أو طبسي وسدي عليها بكاس يكون غامها وديريها فتلاجة وجبديها للإستعمال ورديها بنفس الطريقة
كيفاش نحافض على لباربا مسلوقة؟
ساهلة……..
منبعد منسلقها نخليها فماها فشي بواطة فتلاجة
كفاش نضف الغلاي الكهربائي من لكالكيل؟
ساهلة………
نخوي فيه لماء مع لخل ونديرو يغلا شوية ونغسلو عادي
كيفاش نضف السخان الكهربائي من البكتيريا؟
ساهلة……………..
نحكو بطراف لحامض ونخليه يسخن فيه واحد الدورة غنلاحض قطرات الحامض فيه …نمسحو عادي
كيفاش نضف الأوساخ العالقة في فم الإبريق؟
ساهل…………
لازم يكون عندنا إلى جانب المنضف سلك + فرشاة الأسنان بيهم نحكو فم الإبريق
كيفاش نتهنا من مسيح لبوطاجي من زيت لي تقطرلي فلكبان
ساهلة……..
نوضعو طبسيل يواتي لقرعة وفيه غتبقا تقطر الزيت منبعد نغسلوه
شنو ندير بقواطا ديال طون والذرة؟
ساهلة……………
منرميهمش نغسلهم ونجمعهم يفيدوني فلماضلين
شنو ندير بقشور التشين( الليمون) والحامض؟
ساهلة………..
نحكهم ونحتافض بيهم في المجمد( أو نحتافض بيهم هاكاك إلى لحين الإستعمال) يفيدوني فتنسيم الكيك أو الحلوى…
كيفاش نحيد ريحة قلي لحوت من دار؟
ساهلة………..
نغلي شوية قهو فلبريق وهيا غتمص ريحة لقلي
كيفاش نتأكد من صلاحية الفواكه المصبرة في المنزل
ساهل…..
ملي نطيب الفواكه نقلب القارورات على فمها ونخلي لهوا يدور فيها …يلى سال منها الماء هدا يعني وجوب إستهلاكها وإذا ثبت العكس فهدا كيدل على ٌدرتنا بلإحتفاض بها لمدة لي بغينا
كيفاش نشرمل الزيتون
ساهل وزوين
منبعد ميحلا الزيتون نكبو فبيدو نقي أو طاسة مع شوية من لماء لي حلا فيه. ندير فشرمولة ليم مقطع+ لحار مقطع+ ملح خشن+ زعتر+ قصبر ومعدنوس+ خيزو للتزين وايضا لخيار كورنيشو هنا مكانش عندي منبعد نعصر فوقو شي نصف حامضة… نحتافض بيه ونبقا نجبد بصفاية ممكن الإحتفاض به خارج أو داخل التلاجة
كيفاش نحيد الزفورة من الدجاج فلغسيل؟
ساهل…..
ملي نغسل الدجاجة نجيب بانيو ندير فيه شوية ماء + ملح حرشة+ بصل تكون مرة مقطعة + ليم + سكنجبير+ دقيق
نخلطو وندريد الدجاج ترقاد فهاد لخليط مزان ونبقا نقلبها صافي منبعد نغسلها ونقطرها.
نتمنا تكون نصائحى نالت رضاكم .
