طورطة cars على شكل سيارة باش تفرحوا وليداتكم،طورطة cars على شكل سيارة،طورطة cars ،كيكة على شكل سيارة سباق،تورتة سيارة،صور صورة تورتة على شكل سيارة،tarte de voiture
السلام عليكم و رحمة الله
موقع مجلة مولاة الدار لكل ما يهم المرأة العربية molatdar.co
يقدم لك سيدتي : طورطة cars على شكل سيارة باش تفرحوا وليداتكم.
بالنسبة للجنواز مكن ديرو أي جنواز معتمدة عندكم .
أنا دارت هادي فيها :
زلافة بيض
زلافة سكر سنيدة
زلافة دقيق
2 خمارات
كنخدمو البيض مزيان مع سنيدة حتى يتضاعف لحجم ديالو وولي لون ديالو أبيض تم نضيف دقيق ولخمارات ونحرك بشوية من فوق لتحت صافي ندخلها للفرن .
دبى ندوزو نوجدو سيرو بش نسقيوها.
مقادير عجينة سكر :
صراحة أنا صوبت 2 مختلفين
الاولى دارت فيها :
أبيض بيضة+2 معالق كليكوز+ 500سكر جلاصي من نوع جيد
كنطربو أبيض البيض بفورشيت تم نضيف كليكوز و نطرب مزيان حتى يندامجو صافي ونبدو نزيد سكر و حنا كنحركو مالي تبان لينا تجمعات شوية نديرها فوق طولت العمل و نبقى نزيد سكر حتى تجمع وتولي مطاطية ،هادي زينت بها الحلوة ديالي.
بالنسبة لمقادير الثانية:
خدمتها بلمرشيمو هدي كتجي زوينة و رطبة و كنصدر نتحكم فيها
220g مرشيمو + 2 معالق ماء قطراة فاني+سكر جلاسي على حساب تقريبا 600g
كندوبو مرشيمو في حمام مريم أو مكرو اند مع لماء غير شي 3 دقايق حتى يبان لكم داب صافي ونزيد ليه سكر بنفس طريقة ديال لعجينة الأولى صافي حتى تجمع تم نضيف ملون غدائي أحمر .
نخليكم مع صور….
سقيت لجنواز ديالي ودرة الكريم شنتي دهنت به طبقت الاولى تم درة طبقت تانية ديال جنواز و- كريم صافي وكنشكلو الحلوة على شكل سيارة
كندخلو الحلوة المجمد من بعد مدهنها بلكريمة باش تشد فراسها وتسهل علينا لخدمة تم كنتلقو عجين سكر ديال مرشمو بلمدلك ونغطوها بها.
هدى هو شكل ديالها نتمنى تنال اعجابكم
كنتمنى تعجبكم
